Vohaning yangi – Koʻkdala tumanida Qashqadaryo viloyat huquqni muhofaza qiluvchi organlar rahbarlari ommaviy sayyor qabul oʻtkazdi
2024-08-29 11:45:00 / Yangiliklar
Vohaning yangi – Koʻkdala tumanida Qashqadaryo viloyat huquqni muhofaza qiluvchi organlar rahbarlari ommaviy sayyor qabul oʻtkazdi.
Pedagogika kollejida boʻlib oʻtgan tadbirda viloyat ichki ishlar boshqarmasi boshligʻi, 3-sektor rahbari polkovnik Abduvohid Ismoilov 12 nafar fuqarolarning turli masalalarga oid murojaatlarini qabul qildi.
Ichki ishlar organlari xodimlari olib borayotgan surishtiruv va tergov harakatlari hamda sohaga ishga tiklash hamda fuqarolarni oʻzini oʻzi band qilish bilan bogʻliq masalalar atroflicha oʻrganildi.
Ommaviy qabulda tushgan murojaatlarning 6 tasi joyida hal etildi. Ayrim fuqarolarga huquqiy tushuntirish berildi. Mablagʻ va vaqt talab etadigan 6 ta murojaatlar masʼullarga ijro uchun berilib, hal etish vazifasi yuklatildi
Tumanning “Qumdaryo” mahallasida yashovchi xotin-qizlar Durdona Ibragimova va Aziza Jumaboyevaga oʻzini oʻzi band qilishi uchun tikuv mashinkalari berildi.
Jumladan, 3 nafar fuqarolik ID-kartalari tantanali ravishda topshirildi.
Bu boradagi ishlar davom ettirilmoqda.
Qashqadaryo viloyati IIB Axborot xizmati