Surxondaryo viloyati IIBda “Eng yaxshi ekspert-kriminalist” koʻrik tanlovining viloyat bosqichi oʻtkazildi
2024-08-18 09:00:00 / Yangiliklar
Oʻzbekiston Respublikasi Prezidentining 2022-yil 8-fevral kunidagi “Ichki ishlar organlarining ekspert – kriminalistika faoliyatini zamonaviy ilm- yanada takomillashtirish chora-tadbirlari toʻgʻrisida”gi PQ-122 son qarori hamda Oʻzbekiston Respublikasi IIVning 2022-yil 27-aprel kunidagi “Ichki ishlar organlari tizimida «Eng namunali ekspert-kriminalistika jamoasi” va “Eng yaxshi ekspert-kriminalist” koʻrik tanlovlarini oʻtkazish toʻgʻrisida»gi tegishli buyruqlari talablari asosida kuni kecha, Surxondaryo viloyati IIB hamda shahar-tuman IIB Ekspert-kriminalistika xodimlari oʻrtasida “Eng yaxshi ekspert-kriminalist” koʻrik tanlovining viloyat bosqichi oʻtkazildi.
Oʻtkazilgan koʻrik tanlovda ishtirokchilar, oʻz sohalari boʻyicha intellektual salohiyatlari, jismoniy va jangovar tayyorgarligi hamda xizmatga oid meʼyoriy hujjatlarning yuritilishi boʻyicha yakka tartibdagi suhbatlar asosida oʻz tajriba va koʻnikmalarini namoyish etgan boʻlsalar, malakaviy bilimlarini test jarayonlarida namoyon etishdi.
Koʻrik tanlov natijalariga koʻra, birinchi oʻrinni viloyat IIB Ekspert-kriminalistika markazi bosh eksperti podpolkovnik Istamjon Alimov, ikkinchi oʻrinni Termiz shahar IIB Ekspert-kriminalistika guruhi katta eksperti katta leytenant Islom Norbekov qoʻlga kiritgan boʻlsa, Termiz tumani IIB Ekspert-kriminalistika guruhi katta eksperti katta leytenant Isomiddin Joʻrayev uchinchi oʻringa munosib deb topildi.
Gʻoliblikni qoʻlga kiritgan ishtirokchilar koʻrik-tanlovning Respublika bosqichiga yoʻllanmasini qoʻlga kiritishdi.
Surxondaryo viloyati IIB Axborot xizmati