Andijon viloyatining barcha hududlarida “Xavfsiz hudud va mulkiy turdagi jinoyatlar profilaktikasi oyligi” maxsus profilaktik tadbiri doirasidagi targʻibot tadbirlari davom etmoqda
2024-08-16 09:00:00 / Yangiliklar
Andijon viloyati IIB Jamoat xavfsizligi xizmati Huquqbuzarliklar profilaktikasi boshqarmasi va uning quyi tizimi xodimlari tomonidan tadbir davomida aholi oʻrtasida tushuntirish-targʻibot ishlari olib borilib, fuqarolarga ogohlikka chaqiruvchi 8 mingdan ortiq buklet va flayerlar tarqatildi.
“Obod va xavfsiz mahalla” tamoyili asosida “mahalla yettiligi” vakillari bilan hamkorlikda har bir xonadonga kirilib, ijtimoiy profilaktika tadbirlari amalga oshirilmoqda.
Tadbirlar davomida huquqbuzarlik sodir etishga moyil va jinoyatdan jabrlanish ehtimoli yuqori boʻlgan 300 nafardan ortiq fuqarolar boʻyicha mahalla masʼullariga xulosalar berildi.
Profilaktika inspektorlari tomonidan ov qurollarini saqlanish holatlari boʻyicha tekshiruvlar oʻtkazilib, 38 ta qoidabuzarliklar aniqlanib, huquqbuzarlarga nisbatan tegishli choralar koʻrildi.
Nizolashayotgan oilalar, tazyiq va zoʻravonlikka uchragan 150 nafardan ortiq shaxslarga “Himoya order”lari berildi.
Nazoratsiz va qarovsiz yurgan 10 nafar voyaga yetmaganlar viloyat IIB Jamoat xavfsizligi xizmati HPB Voyaga yetmaganlar ijtimoiy-huquqiy yordam koʻrsatish markaziga joylashtirildi.
Maʼmuriy amaliyot yoʻnalishida 8 ming 626 ta huquqbuzarliklar aniqlanib, maʼmuriy bayonnomalar rasmiylashtirildi.
Fuqarolardan 93 ta tigʻli predmetlar olinib, tegishli hujjatlar rasmiylashtirildi.
Ilgari sudlangan 21 nafar shaxslarga maʼmuriy nazorat oʻrnatilib, 880 nafar shaxslar profilaktik hisobga olindi.
Tadbirlar IIBning sohaviy xizmatlari va mutasaddi tashkilotlar bilan hamkorlikda davom ettirilmoqda.
Andijon viloyati IIB Axborot xizmati