Qoraqalpogʻiston Respublikasi Ichki ishlar vazirligida rahbarlar va yoshlar uchrashuvi boʻlib oʻtdi
2026-07-03 11:45:00 / Yangiliklar
Qoraqalpogʻiston Respublikasi Ichki ishlar vazirligida rahbarlar va ichki ishlar organlarida xizmat qilayotgan yosh xodimlar ishtirokida uchrashuv tashkil etildi.
Tadbirda Oʻzbekiston Respublikasi Ichki ishlar vazirining oʻrinbosari, general-mayor Mirzarahimov Bahodir Yuldashevich hamda Qoraqalpogʻiston Respublikasi Ichki ishlar vaziri, polkovnik Baxtiyar Torebekov ishtirok etib, yosh xodimlar bilan ochiq muloqot oʻtkazdilar.
Uchrashuv davomida yoshlarning kasbiy salohiyatini yuksaltirish, Vatanga sadoqat bilan xizmat qilish, xizmat intizomi va masʼuliyatini yanada mustahkamlash masalalariga alohida eʼtibor qaratildi.
Shuningdek, yoshlarni qiziqtirgan savollarga rahbarlar tomonidan atroflicha javoblar berildi.
Tadbir yakunida xizmat faoliyatida yuqori natijalarga erishib, tengdoshlariga ibrat boʻlib kelayotgan bir guruh yosh xodimlar faxriy yorliqlar va qimmatbaho esdalik sovgʻalari bilan taqdirlandilar.
Qoraqalpogʻiston Respublikasi IIV Axborot xizmati