Namangan viloyati IIB boshligʻi polkovnik Shuxrat Aliyev huzurida navbatdagi yigʻilish boʻlib oʻtdi
2024-08-13 11:45:00 / Yangiliklar
Polkovnik Shuxrat Aliyev huzurida oʻtkazilgan yigʻilishda dastlab Oʻzbekiston Respublikasi davlat mustaqilligining oʻttiz uch yillik bayramiga tayyorgarlik koʻrish va “Bir boʻlsak — yagona xalqmiz, birlashsak — Vatanmiz!” degan bosh gʻoyani oʻzida mujassam etgan tashkiliy-amaliy, maʼnaviy-maʼrifiy tadbirlarni oʻtkazishda fuqarolar hamda jamoat xavfsizligini taʼminlash va shaxsiy tarkib oʻrtasida xizmat intizomini mustahkamlash bilan bogʻliq masalalar muhokama qilinib, masʼul rahbarlarning bu boradagi axborotlari tinglandi.
Shuningdek, boshqarma boshligʻi oʻrinbosari — Jamoat xavfsizligi xizmat boshligʻi lavozimiga yangi tayinlangan polkovnik Nizom Xubbimov va polkovnik Faxriddin Raxmatovlarga tadbirlarni oʻtkazishda xodimlar hushyor hamda xizmat intizomiga qatʼiy amal qilishi yuzasidan aniq topshiriqlar berildi.
Shundan soʻng, boshqarma boshligʻi oʻrinbosari — Tergov boshqarmasi boshligʻi lavozimida oʻz faoliyatini boshlagan mayor Jaxongir Ibodov zimmasiga fuqarolarning murojaatini belgilangan muddatlarda qonuniy hal etish, tergovga qadar tekshiruv va tergov sifatini yaxshilash va boshqa masalalar yuzasidan tegishli vazifalar yuklatildi.
Namangan viloyati IIB Axborot xizmati