Ichki ishlar vazirligi Malaka oshirish institutida Maxsus malaka oshirish kursi oʻtkazilmoqda
2024-08-13 10:30:00 / Yangiliklar
Ichki ishlar vazirligi Malaka oshirish institutida Ichki ishlar organlarida uzluksiz oʻquv-karyera jarayoni tizimi asosida “podpolkovnik” maxsus unvonini berish uchun navbatdagi maxsus malaka oshirish oʻquv kursida ichki ishlar organlarining turli sohaviy xizmatlaridan kelgan 130 ga yaqin xodimlar oʻquv tayyorgarlikdan oʻtkazilmoqda.
Oʻquv mashgʻulotlari Institut professor-oʻqituvchilari hamda vazirlik sohaviy xizmatlari bilan hamkorlikda zamon talablari asosida ishlab chiqilgan oʻquv dasturlari asosida aloqa va axborot texnologiyalaridan keng foydalangan holda interfaol usullarda olib borilyapti. Jumladan, institut maxsus kasbiy fanlar kafedrasi katta oʻqituvchisi, podpolkovnik Jasur Kenjayev tomonidan “Ichki ishlar organlari xodimlariga nisbatan xizmat tekshiruvlarini tayinlash va oʻtkazishning oʻziga xos xususiyatlari” mavzusida oʻquv mashgʻuloti olib borildi. Mashgʻulot davomiyligida ichki ishlar organlari xodimlariga xizmat vazifasini oʻtash chogʻida amal qilishi kerak boʻlgan majburiyatlari, odob-axloq qoidalari meʼyorlariga amal qilish, Ichki ishlar organlari xodimlariga nisbatan xizmat tekshiruvlarini tayinlash va oʻtkazish boʻyicha yoʻriqnomalar berildi.
Shuningdek, malaka oshirishni oʻtayotgan tinglovchilarning maʼnaviy-maʼrifiy salohiyati, hamda soʻnggi yillarda Ichki ishlar organlari tizimida olib borilayotgan oʻzgarishlar haqida maʼlumotlar berib borilmoqda.
IIV Malaka oshirish instituti Matbuot xizmati