Ichki ishlar vaziri oʻrinbosari general-mayor Bahodir Mirzarahimov hamda Surxondaryo viloyati IIB boshligʻi polkovnik Timur Ismailov huzurida yigʻilish oʻtqazildi
2024-08-13 10:20:00 / Yangiliklar
Viloyat IIB boshligʻi oʻrinbosarlari, sohaviy xizmatlar va tarkibiy boʻlimlar hamda shahar-tuman IIB boshliqlari videoselektor tarzida ishtirok etgan yigʻilishda viloyat IIB boshligʻi viloyatda jamoat tartibini saqlash, jinoyatchilikka qarshi kurashish va uning oldini olish, sodir etilgan jinoyatlarni “issiq izlar”da fosh etish, fuqarolar xavfsizligini taʼminlash borasida amalga oshirilgan ishlarni muhokama etildi.
Kengaytirilgan yigʻilishda ichki ishlar organlari xodimlarining xizmat intizomi va qonunchilikka ogʻishmay rioya etishi, shaxsiy tarkib oʻrtasida ichki tartib-intizom va kundalik idoraviy nazoratni kuchaytirish, tizimda xizmat qilayotgan xodimlar oʻrtasida beparvolik muhitiga barham berish, uchun oʻzini oʻzi profilaktika qilish tizimini yoʻlga qoʻyish tadbirlari amalga oshirilishini taʼkidladi. Xizmat jarayoni va xizmatdan tashqari vaqtlarda spirtli ichimlik isteʼmol qilmaslik, xizmat hududida yashash, favqulodda va salbiy holatlarga yoʻl qoʻymaslik, korrupsiyaga qarshi murosasiz boʻlish, ichki ishlar organlari xodimlariga pora taklif qilish va va boshqa noqonuniy maqsadlarni koʻzlagan shaxslarga nisbatan qonuniy choralar koʻrish borasidagi ishlar koʻlamini oshirish borasida tegishli tavsiya va takliflar berildi.
Yigʻilish yakunida, Ichki ishlar vaziri oʻrinbosari B.Mirzarahimov Oʻzbekiston Respublikasi Ichki ishlar vazirining buyrugʻi bilan tayinlovlar amalga oshirilganligini oʻqib eshittirdi.
Shundan soʻng, Viloyatda kriminogen vaziyati ogʻir shahar-tumanlarda jinoyatlarni erta aniqlab oldini olish, bunga sabab boʻlgan shart-sharoitlarni bartaraf etish, transport va turizm obyektlarida xavfsizlikni taʼminlash, yoʻl-transport hodisalarini oldini olish borasida ishtirokchilarga tegishli yoʻriqnoma va topshiriqlar berdi.
Surxondaryo viloyati IIB Axborot xizmati