Ichki ishlar vaziri oʻrinbosari, general-mayor Bekmurod Abdullayev Jizzax viloyati ichki ishlar boshqarmasida faoliyat koʻrsatayotgan “Monitoring va muvofiqlashtirish markazi”da ham boʻldi
2024-08-09 18:35:00 / Yangiliklar
Qayd etish joiz, mazkur markaz davlatimiz rahbarining 2021-yil 29-noyabrdagi “Oʻzbekiston Respublikasi jamoat xavfsizligi konsepsiyasini tasdiqlash va uni amalga oshirish chora-tadbirlari toʻgʻrisida”gi farmoni asosida tashkil etilgan. Markaz “Xavfsiz shahar” dasturi boʻyicha Jizzax shahridagi chorrahalar va jamoat joylari, voyaga yetmaganlarga ijtimoiy-huquqiy yordam koʻrsatish markazi, “Nurli maskan” maktab internati, hushyorxonalar, vaqtincha saqlash hibsxonalari va maʼmuriy qamoqxonalar hamda reabilitatsiya qilish markazlarini kuzatuv kameralari orqali nazorat qilish imkonini beradi. Muloqot jarayonida IIO xodimlari qoʻllayotgan “E-Maʼmuriy ish”, “E-muhokama”, “E-ijtimoiy profilaktika”, “E-himoya”, “E-prof hisob”, “E-himoya orderi”, “E-voyaga yetmagan”, “E-hushyorxona”, “Uzoq muddat”, “Ishonch markazi”, “KPI” kabi bir qator elektron tizimlari haqida maʼlumot berildi.
Shu kunlarda Jizzax viloyatining shahar va tumanlarida “Ichki ishlar vaziri kubogi uchun” musobaqalar oʻtkazilmoqda. Ichki ishlar vaziri oʻrinbosari musobaqaning shahar bosqichi bellashuvlarini ham kuzatdi.
IIV JXD Axborot xizmati