Buxoro viloyati IIB boshligʻi Qorovulbozor, Jondor va Kogon tumanlari ichki ishlar boʻlimlari shaxsiy tarkibi bilan xizmat intizomi va qonunchilikni mustahkamlash borasida muhokama yigʻilishi oʻtkazdi
2024-08-09 12:10:00 / Yangiliklar
Tumanlarda oʻtkazilgan muhokama yigʻilishlarida boshqarma boshligʻi podpolkovnik Ikromjon Tursunov tomonidan Ichki ishlar vazirining tegishli buyrugʻi bilan Qorovulbozor tuman IIBga podpolkovnik Alimardon Jumayev, Jondor tuman IIBga podpolkovnik Abduxalil Nosirov, Kogon tuman IIBga esa podpolkovnik Zafar Davronov rahbar etib tayinlangani eʼlon qilindi. Boshqarma boshligʻi ularning xizmat faoliyati yoʻli bilan ishtirokchilarni tanishtirib, kelgusidagi dolzarb vazifalarni belgilab berdi.
Tuman hokimlari va boshqa sektor rahbarlari ishtirokida oʻtkazilgan muhokama yigʻilishlarida podpolkovnik Ikromjon Tursunov tomonidan hududlarda kriminogen vaziyatni barqarorlashtirish, jinoyat va huquqbuzarliklarni oldini olish borasidagi manzilli ishlarni izchillik bilan davom ettirish masalalarini atroflicha muhokama qilindi.
Shuningdek, shaxsiy tarkib oʻrtasida xizmat intizomi va qonuniylikni mustahkamlash, korrupsion holatlarni oldini olish, murojaatlar bilan ishlashga eng muhim vazifa sifatida qarab, alohida nazoratga olish, tamagirlik va boshqa shunga oʻxshash salbiy holatlarga qarshi murosasiz boʻlishni qatʼiy taʼkidladi.
Bu kabi muhokama yigʻilishlarining tizimli olib borilishi, xizmat vazifalarini bajarishga masʼuliyatsizlik bilan yondashgan, ijro va xizmat intizomi hamda qonunchilik talablarini buzgan har qanday toifadagi masʼul rahbar va xodimlarga nisbatan keskin taʼsir choralari qoʻllanilishi qatʼiy belgilandi.
Muhokama yigʻilishlari davom etmoqda.
Buxoro viloyati IIB Axborot xizmati