Ichki ishlar vaziri oʻrinbosari general-mayor Bekmurod Abdullayev Jizzax shahar 3-sonli ichki ishlar boʻlimi va “Madaniyat” MFY faoliyati bilan yaqindan tanishdi
2024-08-09 09:45:00 / Yangiliklar
Ichki ishlar vaziri oʻrinbosari dastlab Jizzax shahridagi 3-sonli IIBda boʻlib, qonunbuzarliklarning oldini olish, jinoyatchilikka qarshi kurashish, xususan, “Xavfsiz hudud” va mulkiy turdagi jinoyatlar profilaktikasi oyligi doirasida amalga oshirilayotgan ishlar va hududiy ishchi guruh faoliyati bilan tanishdi.
Shundan soʻng, shahardagi “Madaniyat” MFY mahalla yettiligi vakillari bilan suhbatlashib, mahalla profilaktika inspektorining ish faoliyati oʻrganildi, hamda ijtimoiy profilaktika obyektlari boʻlmish huquqbuzarlik sodir etishi yoki undan jabrlanish ehtimoli yuqori boʻlgan shaxslar bilan olib borilishi kerak boʻlgan ijtimoiy profilaktika chora-tadbirlar borasida zarur tavsiyalar berdi.
IIV JXD Axborot xizmati