Ichki ishlar vazirligi Harbiy tuzilmalariga qabul qilish uchun tanlov eʼlon qilinadi
2024-08-08 17:25:00 / Yangiliklar
Ichki ishlar vazirligi Harbiy tuzilmalarining faoliyatini taʼminlash bazasida mavjud oddiy askar va serjantlar tarkibidagi “Texnik” lavozimlarida kontrakt asosida harbiy xizmatga qabul qilish boʻyicha ochiq tanlov eʼlon qilinadi.
Nomzodlarga qoʻyiladigan talablar:
- Yoshi 18 yoshdan katta va 30 yoshdan kichik boʻlishi;
- Boʻyi erkaklar uchun 170 sm, ayollar uchun 165 sm boʻlishi;
- Muddatli yoki safarbarlik chaqiruv rezervidagi harbiy xizmatni oʻtagan boʻlishi;
- Axborot texnologiyalari, aloqa vositalari, kompyuter texnologiyalari va texnik qoʻriqlash vositalarini ishlab chiqarish yoki ularga texnik xizmat koʻrsatish boʻyicha muhandis va dasturlash boʻyicha kamida oʻrta maxsus maʼlumotga ega boʻlishi.
Shartnoma asosida harbiy xizmatga kirish istagida boʻlgan fuqarolar oʻzlari bilan quyidagi hujjatlarning asl nusxalarini koʻrsatilgan manzilga 2024-yilning 20-21-avgust kunlari davomida soat 09:00 dan 18:00 ga qadar olib kelishlari soʻraladi:
- Shaxsini tasdiqlovchi ID-kartasi (biometrik pasporti);
- Harbiy guvohnomasi;
- Maʼlumoti toʻgʻrisida diplom.
Manzil: Toshkent shahri, Yashnobod tumani, Osh-1 tor koʻchasi. 1-uy.
Moʻljal: 32-son oilaviy poliklinikasi.
Murojaat uchun telefon: 71-209-98-57