Joriy yilning 7-avgust kuni Buloqboshi tumani hokimligida boʻlib oʻtgan yigʻilishda tuman sektor rahbarlari, boshqa mutasaddi tashkilotlar hamda tuman IIBning barcha shaxsiy tarkibi ishtirokida joriy yilning oʻtgan davri mobaynida tumandagi jinoyatchilik ahvoli, shuningdek, uni oldini olishda amalga oshirilgan ishlar atroflicha tahlil qilindi.

Yigʻilish davomida mazkur tumanda oʻz xizmat faoliyatini boshlagan podpolkovnik Mamatqulov Jasurbekka kelgusida jinoyatchilikni jilovlash, huquqbuzarliklar profilaktikasini samarali olib borish hamda davlatimiz rahbari tomonidan qoʻyilayotgan vazifalarni vijdonan bajarib, sektor rahbarlari bilan bir yoqadan bosh chiqarib ish tashkil qilish yuzasidan topshiriqlar berildi.

Bundan tashqari, tadbir jarayonida yaqinlashib kelayotgan mustaqillik bayrami hamda rejalashtirilayotgan muhim siyosiy tadbir jarayonida kriminogen vaziyatning barqarorligini taʼminlash va jamoat tartibini saqlash masalalari atroflicha muhokama qilindi.

Yigʻilishda, kun tartibiga binoan koʻrib chiqilgan masalalar hamda aniqlangan kamchiliklar tanqidiy muhokama qilinib, kelgusida xizmat faoliyatini takomillashtirishga oid maqsadli chora-tadbirlar belgilab olindi.

Andijon viloyati IIB Axborot xizmati