O‘zbеkiston Rеspublikаsi Ichki ishlаr vаzirligi

Boshqarma boshligʻi tomonidan shahar-tuman IIBlarining jinoyatchilik va huquqbuzarliklarning oldini olish, jamoat hamda yoʻl harakati xavfsizligini taʼminlash, aholi muammolarni bartaraf etishda amalga oshirilayotgan ishlari doimiy ravishda oʻrganilib kelinmoqda.

Jumladan, polkovnik Shuxrat Aliyev Namangan tumanida boʻlib, tuman sektor rahbarlari, boshqa mutasaddi tashkilot rahbarlari hamda tuman IIBning barcha shaxsiy tarkib ishtirokida joriy yilning oʻtgan davri mobaynida tumandagi jinoyatchilik ahvoli, shuningdek, uni oldini olishda amalga oshirilgan ishlarni atroflicha tahlil qildi.

Yigʻilish davomida mazkur tumanda oʻz xizmat faoliyatini boshlagan podpolkovnik Alisher Ubaydullayevga kelgusida jinoyatchilikni jilovlash, huquqbuzarliklar profilaktikasini samarali olib borish hamda boshqa masalalar yuzasidan aniq topshiriqlar berildi.

Kosonsoy tumani sektor rahbarlari, boshqa mutasaddi tashkilot rahbarlari va tuman IIBning barcha shaxsiy tarkibi ishtirok etgan muhokama yigʻilishda tuman IIBning yetti oylik faoliyati muhokama qilinib, yoʻl qoʻyilgan kamchiliklar atroflicha tahlil qilindi.

Shuningdek, ushbu tumanda oʻz faoliyatini boshlagan podpolkovnik Rustam Karimovga kelgusida amalga oshirilishi lozim boʻlgan ustuvor vazifalar yuzasidan aniq topshiriqlar berildi.

Namangan shahar hokimligining majlislar zalida polkovnik Shuxrat Aliyev huzurida oʻtkazilgan muhokama yigʻilishida shahar sektor rahbarlari, boshqa mutasaddi tashkilot rahbarlari hamda tuman IIBning barcha shaxsiy tarkib ishtirok etib, unda jinoyatchilik ahvoli va huquqbuzarliklar profilaktikasi yoʻnalishida amalga oshirilgan ishlar atroflicha tahlil qilindi.

Yigʻilishda oʻz xizmat vazifasiga kirishgan podpolkovnik Umarjon Abduvaliyevga kelgusida jinoyatchilikni jilovlash, huquqbuzarliklar profilaktikasini samarali olib borish hamda boshqa masalalar yuzasidan aniq topshiriqlar berildi.

Namangan viloyati IIB Axborot xizmati