Surxondaryo viloyatida sektor rahbarlari ishtirokida yoshlar jinoyatchiligi muhokama qilindi
2024-08-07 19:00:00 / Yangiliklar
Joriy yilning 7-avgust kuni Termiz shahridagi “Sanʼat saroyi” binosida Surxondaryo viloyati hokimi U.B.Qosimov rahbarligida «viloyatda voyaga yetmaganlar hamda yoshlar oʻrtasida huquqbuzarlik va jinoyatchilikning oldini olish borasidagi ishlar ahvoliga bagʻishlangan yigʻilish oʻtkazildi.
Yigʻilishda, viloyat sektor rahbarlari, huquq-tartibot idoralari rahbarlari, tegishli tashkilot masʼullari ishtirok etishdi.
Kun tartibidagi masala yuzasidan, viloyat IIB boshligʻi 3-sektor rahbari polkovnik Timur Ismailov oʻz maʼruzasi bilan ishtirok etib, unda 2023-yilning 28-iyul kuni Muhtaram Prezidentimiz rahbarligida Fargʻona viloyatida oʻtkazilgan video-selektor yigʻilishda hamda 16-17-noyabr kunlari Surxondaryo viloyatiga tashriflari jarayonida jinoyatchilikni barvaqt oldini olish borasida muhim masalalar boʻyicha topshiriqlar berilganligini qayd etib, ushbu topshiriq asosida, har-bir mahallada ijtimoiy muammolar “oilabay” aniqlanib, “Xavfsiz xonadon” va “Xavfsiz hovli” tizimi asosida xizmat olib borilayotganligi taʼkidlandi.
Shuningdek hozirda, yoshlarni vatanparvarlik ruhida tarbiyalash borasida kompleks chora-tadbirlar amalga oshirilayotganligiga alohida toʻxtalib, viloyatda, 4 ming 899 nafar yoshlar, 337 nafar voyaga yetmaganlar nazoratda turganligi, shundan 3 ming 145 nafari maʼmuriy huquqbuzarlik sodir etganligi uchun profilaktik hisobda, 1 ming 817 nafarini probatsiya hisobida, 74 nafari esa sogʻliqni saqlash hisobidagi giyohvand, spirtli ichimlikka ruju qoʻygan va ruhiy kasallarni tashkil etishi.
Ular orasida jinoyatchilikni barvaqt oldini olish, maʼnaviy dunyo qarashini mustahkamlash, ichki ishlar organlarining asosiy vazifasi etib belgilanganligi qayd etilib, bu borada maxsus profilaktik tadbirlar bilan birgalikda umum-taʼlim muassasalari, kasb-hunar maktablari, oliy taʼlim muassasalari va mahallalarda maʼnaviy-maʼrifiy targʻibot tadbirlari ham izchillik bilan amalga oshirilayotganligi taʼkidlandi.
Bundan tashqari, yoshlar uchun koʻplab imkoniyatlar yaratilgan bir vaqtda, ayrim yoshlar tomonidan ogʻir va oʻta ogʻir turdagi jinoyatlar sodir etilayotganligiga alohida toʻxtalib, bularning oldini olishda oilaning, mahallaning kerak boʻlsa keng jamoatchilikning oʻrni yetarli darajada sezilmayotganligi haqida toʻxtalib, bunga asosli misollar keltirildi.
Surxondaryo viloyati IIB Axborot xizmati