Joriy yilning 1-avgust kuni Ichki ishlar vaziri oʻrinbosari general-mayor Bahodir Mirzaraximov harbiy xizmatchilar bilan uchrashish va ularga yaratilgan sharoitlar bilan yaqindan tanishish maqsadida Toshkent viloyati Zangiota tumanida joylashgan Qorovul qoʻshinlariga qarashli 7534-harbiy qism 1-batalyonga tashrif buyurdi.

Tashrif harbiy qism saf maydonida Oʻzbekiston Respublikasi Davlat madhiyasini ijro etilishi bilan boshlandi.

Vazir oʻrinbosari harbiy xizmatchilar bilan uchrashish vaqtida dunyoda va qoʻshni davlatlarda yuzaga kelayotgan harbiy siyosiy vaziyatlardan toʻgʻri xulosa chiqargan holda sodir etilishi mumkin boʻlgan har qanday holatlarga ruhan va jismonan tayyor boʻlishlari, vatanparvar, sergak va ogoh boʻlib harbiy xizmatni olib borish zarurligini taʼkidlab oʻtdilar.

Oʻtgan davrda qoʻshinda va harbiy qismda erishgan yutuqlari va yoʻl qoʻyilgan kamchiliklarini shaxsiy tarkib bilan tahlil qilindi.

Soʻng, Vazir oʻrinbosari harbiy qism qoʻmondonligi va mansabdor shaxslariga harbiy xizmatchilarni xizmat oʻtashi uchun yanada qulay sharoit yaratish, boʻlinmalarning jangovar tayyorgarligi va shayligini oshirish, harbiy intizomni mustahkamlash yuzasidan vazifalar belgilab berdilar.

Transport va turizm obyektlarida xavfsizlikni taʼminlash departamenti Axborot guruhi