Jizzax viloyati ichki ishlar boshqarmasida «Respublikada ichki ishlar xodimlari tomonidan sodir qilingan qonun buzilishi va salbiy holatlar» mavzusiga bag‘ishlangan tanqidiy ruhda yig‘ilish bo‘lib o‘tdi
2024-08-01 09:00:00 / Yangiliklar
So‘nggi bir necha yilda jamiyatning barcha sohalari qatori ichki ishlar organlari faoliyati samaradorligini oshirish borasida ham muhim islohotlar amalga oshirib kelinmoqda.
Tizimda amalga oshirilayotgan saʼy-harakatlar natijasi xalq manfaatlariga xizmat qiladigan, ularning haq-huquqlari yo‘lida dasturul amal bo‘la oladigan tuzilmaga aylanmoqda, desak mubolag‘a bo‘lmaydi.
Albatta bu yo‘nalishda Ichki ishlar organlari xodimlarining o‘rni alohida ahamiyat kasb etadi.
Jizzax viloyati Ichki ishlar boshqarmasida viloyat IIB huzuridagi Tergov boshqarmasi, viloyat IIB ekspert-kriminalistika bo‘limi, viloyat IIB migratsiya va fuqarolikni rasmiylashtirish boshqarmasi va ularning hududiy bo‘linmalari xodimlari o‘rtasida «Respublikada ichki ishlar xodimlari tomonidan sodir yetilgan qonun buzilishi va salbiy holatlar» shaxsiy tarkib eʼtiboriga yetkazilib, kelgusida qonuniylikni taʼminlash, ijrochilik va xizmat intizomiga rioya qilishga bag‘ishlangan yig‘ilish bo‘lib o‘tdi.
O‘tkazilgan mazkur yig‘ilishda, O‘zbekiston Respublikasi IIV huzuridagi Tergov departamenti maʼsul xodimi podpolkovnik G‘.K.Nabiyev, viloyat IIB boshlig‘i o‘rinbosari podpolkovnik A.X.Xabibullayev, IIV shaxsiy xavfsizlik bosh boshqarmasi Jizzax viloyati bo‘yicha bo‘limi boshlig‘i, polkovnik B.X.Shamsuddinov ishtirok yetib yig‘ilish ishtirokchilariga mavzu doirasida atroflicha maʼlumotlar berib o‘tildi.
Yig‘ilish so‘ngida maʼsullar tomonidan xodimlarga kun tartibidagi masalalar yuzasidan tegishli topshiriq hamda ko‘rsatmalar berildi.
Jizzax viloyati IIB Axborot xizmati