Sirdaryo viloyati Guliston shahrida «Qiynoqqa solishga qarshi kurashish: xalqaro amaliyot va milliy tajriba» mavzusidagi maxsus oʻquv kursi tashkil etildi
2024-07-31 09:15:00 / Yangiliklar
Sirdaryo viloyati ichki ishlar boshqarmasida Inson huquqlari boʻyicha Oʻzbekiston Respublikasi Milliy markazi, Bosh prokuratura va Ichki ishlar vazirligining 2024-yil 4-apreldagi «Qiynoqqa solishga qarshi kurashish: xalqaro amaliyot va milliy tajriba» mavzusida maxsus oʻquv kurslari boshlandi.
Oʻquv kurslarini sifatli hamda samarali tashkil etish maqsadida Inson huquqlari boʻyicha Oʻzbekiston Respublikasi Milliy markazi boshqarma boshligʻi, 2-darajali adliya maslahatchisi Ф.П.Ҳайитбоев, ushbu Markaz bosh mutaxassisi Д.Ш.Раҳматжонова, shuningdek, Huquqni muhofaza qilish akademiyasining Xalqaro huquq va inson huquqlarini himoya qilish kafedrasi oʻqituvchisi, yuridik fanlari falsafa doktori Б.Т.Кадирова, IIV Akademiyasi «Jazoni ijro etish faoliyati» kafedrasi dotsenti, tarix fanlari boʻyicha falsafa doktori, podpolkovnik Қ.Б.Қодиров va IIV Malaka oshirish institutining «Yuridik fanlari» kafedrasi katta oʻqituvchisi podpolkovnik О.С.Субанов tashrif buyurishib, oʻquv kurslariga jalb etilgan tergov yoʻnalishidan 10 nafar , tezkor qidiruv hamda huquqbuzarliklar profilaktikasi yoʻnalishlaridan 20 nafardan, jami 50 nafar xodimlar, shuningdek, viloyat prokuraturasi hamda sud organlarining bir qator xodimlariga «Qiynoqqa solishga qarshi kurashish: xalqaro amaliyot va milliy tajriba» mavzusida oʻz bilim va tajribalari bilan oʻrtoqlashishdi.
Jumladan, oʻquv kursi davomida ishtirokchilarga «Inson huquqlari sohasidagi xalqaro standartlar, asosiy tamoyillar», «Qiynoq hamda muomala va jazolashning qattiq, shafqatsiz, insoniylikka zid yoki qadr-qimmatni kamsituvchi turlariga qarshi konvensiyaning mazmun- mohiyati», «Qiynoqqa solishga qarshi kurashish sohasidagi xalqaro standartlar», Qiynoqqa qarshi konvensiyaga fakultativ protokoli, «Qiynoqlarning oldini olishga oid milliy preventiv mexanizmlar: xalqaro tajriba va milliy amaliyot», «Nelson Mandela qoidalarining mazmun-mohiyati», «Voyaga yetmaganlar va ayollarga oid xalqaro va milliy standartlar» mavzularida professor-oʻqituvchilari maʼruzalar oʻqishdi.
Shundan soʻng, ishtirokchilarning mavzu doirasidagi bilim va tajribalarni yanada boyitish maqsadida amaliy mashgʻulotlar oʻtilmoqda.
Maxsus oʻquv kursi mashgʻulotlari davom etmoqda.
Sirdaryo viloyati IIB Axborot xizmati