Namangan viloyati IIB boshligʻi polkovnik Shuxrat Aliyev tomonidan boshqarma masʼul rahbarlari, hududga biriktirilgan xodimlar ishtirokida barcha-shahar tuman IIBlarining olti oylik faoliyatlari atroflicha tahlil qilinib, kelgusidagi ustuvor vazifalari belgilab berib kelinmoqda.

Jumladan, navbatdagi muhokama yigʻilishlari Namangan, Chortoq va Uychi tumanlarida boʻlib, unda tuman IIBlarining joriy yilning olti oyi davomidagi faoliyati yuzasidan boʻlim boshlilarining hisobotlari tinglandi. Shundan soʻng, boshqarma boshligʻi maʼruzalarda keltirib oʻtilgan erishilgan ijobiy natijalar yuzasidan xodimlarni munosib ragʻbatlantirishni alohida taʼkidlab oʻtib, shu bilan birga bir qator mahallalarda jinoyatlarning ayrim turlari sezilarli daraja ortganligini keskin tanqid qildi.

Yigʻilish davomida jinoyatchilik va huquqbuzarliklarning barvaqt oldini olish, qidiruvda boʻlgan shaxslarni ushlash, mavhum holda sodir etilgan jinoyatlarni fosh etish, tergov sifatini yaxshilash, fuqarolar murojaatlarini belgilangan muddatlarda qonuniy hal etish, xizmat intizomi va qonuniylikni mustahkamlash yuzasidan masʼul rahbar hamda xodimlarga aniq topshiriqlar berildi.

Yigʻilish soʻngida boshqarma boshligʻi oʻrinbosarlari va sohaviy xizmat rahbarlarining oʻz yoʻnalishi yuzasidan hisobotlari tinglandi.

Namangan viloyati IIB Axborot xizmati