Toshkent shahri tumanlarida hamkorlikda ishlar olib borilmoqda
2024-07-06 11:45:00 / Yangiliklar
Jamoat tartibini mustahkamlash, fuqarolar xavfsizligini taʼminlash, huquqbuzarliklarning oldini olish maqsadida poytaxt tumanlari IIO FMB xodimlari shahar qoʻriqlash boshqarmasi va harbiy prokuratura bilan hamkorlikda profilaktika tadbirlarini oʻtkazmoqda.
Jumladan, kuni kecha Uchtepa tumani IIO FMB masʼul xodimlari manfaatdor tashkilotlar bilan birga mahalla faollari va aholisi bilan uchrashdi. Uchrashuv davomida tumanda sodir etilgan jinoyatlar aholi orasida muhokama qilinib, ularni oldini olish choralari tushuntirib berildi. Jumladan, oʻgʻrilik jinoyatini oldini olish maqsadida Qoʻriqlash xizmati imkoniyatlaridan foydalanish mumkinligi bildirilib, mazkur xizmat haqida batafsil maʼlumot berildi.
Shuningdek, Yashnobod tumanidagi “Iltifot” mahallasida ham shunday uchrashuv tashkil etilib, xonadonlarni 24 soat davomida qoʻriqlash xizmatini tashkil etish, koʻp qavatli uylarga videokuzatuv kameralarini oʻrnatish masalalariga jiddiy eʼtibor qaratildi.
Bu boradagi ishlar boshqa hududlarda ham izchil davom ettirilmoqda.
Toshkent shahar IIBB Axborot xizmati