Bosh prokuratura hamda IIV huzuridagi Jazoni ijro etish departamenti tezkor-qidiruv xizmati xodimlari bilan ikki kunlik oʻquv yigʻini oʻtkazildi
2024-06-21 12:30:00 / Yangiliklar
Dars mashgʻulotlari Respublika Bosh prokuraturasi, Ichki ishlar vazirligi hamda Jazoni ijro etish departamenti masʼul xodimlari ishtirokida olib borildi. Tezkor xodimlarga “E-Material” tizimi boʻyicha yangi oʻzgarishlar, ishlash tartibi, holatlarni qayddan oʻtkazish, tizimdagi talab va alohida xususiyatlar toʻgʻrisida toʻxtalib oʻtildi.
Shuningdek, muassasalarda sodir etilayotgan salbiy holatlar boʻyicha tergovga qadar tekshiruvlarni oʻtkazishda protsessual harakatlarni olib borish tartibiga oid tushunchalar berildi. Oʻtkazilgan oʻquv-yigʻini tezkor xodimlarning bu boradagi bilimlari yanada mustahkamlanishiga zamin yaratdi.
Kun tartibidagi mavzular savol-javoblar ruhida yanada qiziqarli boʻldi.
IIV huzuridagi Jazoni ijro etish departamenti