Ichki ishlar vazirligi 2-sonli Toshkent akademik litseyida bitiruv marosimi boʻlib oʻtdi
2024-06-19 09:30:00 / Yangiliklar
IIV tomonidan belgilangan rejaga asosan respublika boʻyicha, jumladan Qibray tumanidagi IIV 2-sonli Toshkent akademik litseyi bitiruvchilariga diplomlar topshirildi.
Tantanali tadbirda IIV va Toshkent viloyati IIBB masʼul rahbarlari, faxriylar, oʻqituvchilar va bitiruvchi yoshlar hamda ularning ota-onalari ishtirok etdi.
Diplomlar masʼul rahbarlar tomonidan tantanali ravishda topshirildi.
Bu yil litseyni 196 nafar oʻquvchi bitirgan boʻlsa, ularning 168 nafari oʻgʻil bolalar va 28 nafari qizlardir. Mazkur oʻquvchilarning 18 nafariga imtiyozli diplom berildi.
Bundan tashqari 3 nafar oʻquvchiga “Oʻqishdagi muvaffaqiyati va namunali xulqi uchun” koʻkrak nishoni topshirilgan boʻlsa, tengdoshlariga oʻrnak boʻlgan bir guruh oʻquvchilar ham eʼtirof etildi.
Ularning ota-onalariga litsey maʼmuriyati tomonidan minnatdorchilik bildirildi.
Tadbir oʻquvchilar tomonidan tayyorlangan bayram dasturi bilan yuqori kayfiyatda yakunlandi.
Toshkent viloyati IIBB Axborot xizmati