Buxoro viloyati IIBda Qurbon hayiti bayrami tadbirlariga tayyorgarlik koʻrish va uni oʻtkazish davrida jamoat xavfsizligini taʼminlashga bagʻishlangan tezkor yigʻilish oʻtkazildi
2024-06-15 09:30:00 / Yangiliklar
Yigʻilishda, Ichki ishlar boshqarmasi boshligʻi podpolkovnik Ikromjon Tursunov, viloyat hokimi oʻrinbosari, DXX Buxoro viloyati boshqarmasi, FVB, Milliy gvardiya boshqarmasi boshliqlari hamda masʼul xodimlari, shuningdek, taalluqli idoralar mutasaddilari ishtirok etishdi.
Qurbon hayiti bayrami tadbirlarini tashkil etish boʻyicha zarur boʻlgan barcha tashkiliy, tezkor hamda profilaktik chora-tadbirlar belgilab olindi.
Ushbu muhim ommaviy tadbirlarga tayyorgarlik koʻrish va uni oʻtkazish davrida xavfsizlikni yuqori darajada taʼminlash, odamlar toʻplanadigan jome masjidlari atrofida jamoat tartibini saqlash, sodir boʻlishi mumkin boʻlgan turli koʻngilsiz hodisalarni oldini olish, yoʻl harakati va yongʻin xavfsizligini taʼminlash, shuningdek, jinoyat va huquqbuzarliklar sodir etilishini oldini olish borasida hamkorlikda amalga oshirilishi zarur boʻlgan ishlar yuzasidan vazifalar belgilab olinib, har bir yoʻnalish boʻyicha masʼullarga topshiriqlar berildi.
Buxoro viloyati IIB Axborot xizmati