Ichki ishlar vaziri oʻrinbosari general-mayor Baxodir Mirzaraximov tomonidan Toshkent viloyati IIBB Xavfsiz turizmni taʼminlash boshqarmasi xodimlarining faoliyati oʻrganildi
2024-06-11 17:00:00 / Yangiliklar
Toshkent viloyatining Boʻstonlik tumani jozibador turizm yoʻnalishlaridan biri boʻlib, yildan yilga minglab yurtdoshlarimizning goʻzal tabiat bagʻrida madaniy hordiq chiqarishga ehtiyojlari ortib borayotganligini hisobga olib, joriy yilning 11-iyun kuni Ichki ishlar vaziri oʻrinbosari general-mayor Mirzaraximov Baxodir Yuldoshevich tomonidan Toshkent viloyati Ichki ishlar bosh boshqarmasi Xavfsiz turizmni taʼminlash boshqarmasi xodimlarining faoliyati, xizmat va jangovar shayligi oʻrganildi, ular ixtiyoridagi xizmat transport va maxsus texnika vositalari tekshirildi, aniqlangan kamchiliklarni joyida bartaraf etish choralari koʻrildi.
Tashrif davomida, vazir oʻrinbosari tomonidan turizm namoyishi obyektlariga borilib, xavfsiz turizmni taʼminlash boshqarmasi xodimlarining xizmat olib borish jarayonlari bilan tanishdi.
Xodimlar bilan oʻtkazilgan suhbat jarayonida xizmat intizomi va qonunchilikka qatʼiy rioya qilish, doimiy ravishda kasbiy va maʼnaviy jihatdan malakasini oshirib borish, oʻz kasbini ardoqlash, el-yurtga fidoyilik bilan xizmat qilish, turizm namoyishi obyektlari va unga tutash hududlarda jamoat tartibini saqlash, huquqbuzarliklarning oldini olish, turistlarning huquqlari, erkinliklari va qonuniy manfaatlarini taʼminlash bilan bogʻliq vazifalarni masʼuliyat bilan bajarish borasida berilgan topshiriqlari ijro uchun qabul qilinib, nazoratga olindi.
IIV Transport va turizm obyektlarida xavfsizlikni taʼminlash departamenti Axborot guruhi