Tanqidiy – tahlil, qatʼiy tartib intizom – bugungi kun talabi
2024-06-04 10:45:00 / Yangiliklar
Unda viloyat ichki ishlar boshqarmasi rahbariyati, vazirlik Shaxsiy xavfsizlik Bosh boshqarmasi Qashqadaryo viloyati boʻyicha boshqarmasi, sohaviy xizmatlari rahbarlari va xodimlari, shahar va tuman ichki ishlar boʻlimi shaxsiy tarkibi videoselektor orqali ishtirok etdi.
Yigʻilishda Qashqadaryo viloyati ichki ishlar boshqarmasi boshligʻi, polkovnik Abduvoxid Ismoilov ishtirok etib, yilning oʻtgan davrida vohada jinoyatlarni oldini olish, sodir etilganlarini «issiq izlar»da fosh etish borasidagi ishlarni atroflicha tahlil etdi. Faoliyatda erishilgan yutuqlar bilan birga yoʻl qoʻyilgan kamchiliklar yuzasidan tegishli sohaviy xizmatlar rahbarlari zimmasiga aniq vazifalar qoʻyilib, kelgusida amalga oshirilishi lozim boʻlgan masalalar boʻyicha masʼullarning masʼuliyati oshirildi.
Koʻlami keng yigʻilishda Ichki ishlar vazirligi Shaxsiy xavfsizlik Bosh boshqarmasi Qashqadaryo viloyati boʻyicha boshqarmasi boshligʻi podpolkovnik Temur Bayjanov soʻzga chiqib, Samarqand viloyati, Fargʻona viloyati, Qoraqalpogʻiston Respublikasi sodir etilgan korrupsion holatlar toʻliq yetkazilib, bunda qonunchilikni oldini olish, viloyat IIBning shahar –tuman IIB lari va soha xizmat rahbarlariga doimiy ravishda ertalabki va kechki yoʻriqnomalarda korrupsion va qonunchilikni buzilish holatlarini oldini olish borasida barcha xizmatga jalb qilingan shaxsiy tarkibga xizmat oldi yoʻriqnoma berish, ish yurituvida boʻlgan materiallarga boshqa shaxslarni aralashtirmaslik, pul taklif qilish holatlarida darhol vazirlik Shaxsiy xavfsizlik Bosh boshqarmasi Qashqadaryo viloyati boʻyicha boshqarmasiga axborot berishi lozimligi, hamda spirtli ichimlik isteʼmol qilmaslik, Ichki ishlar organlari xodimlarining kasbiy madaniyat va xizmat intizomi Kodeksining talablariga toʻliq amal qilish bundan tashqari oʻtgan davrda ichki ishlar organlari xodimlari tomonidan sodir etilgan qonunbuzarliklar va favqulodda holatlar haqida axborot berib, shaxsiy tarkib faoliyat davomida xizmat intizomi va qonunchilikka rioya qilishi, korrupsiya holatlariga murosasiz boʻlish, yoʻl-transport hodisalarini oldini olish, fuqarolar bilan muomala madaniyati, xizmat joyini oʻzboshimchalik bilan tashlab ketmaslik, oʻzgalar avtomashinasini boshqarmaslik borasida atroflicha ishtirokchilarga yoʻriqnoma berdi.
Joriy yil 1-30-iyun kunlari ichki ishlar organlarida oʻtkazilayotgan «Intizom oyligi» doirasida amalga oshirilishi lozim boʻlgan chora-tadbirlar, faoliyat davomida inson huquq va erkinliklarini taʼminlash, fuqarolarning qonuniy manfaatlarini himoya qilish, fuqarolar bilan xizmat davomida xushmuomala boʻlish kabi jihatlar ham eʼtibordan chetda qolmasligi uqtirildi. Faoliyat davomida tamagirlik va korrupsiya holatlarini oldini olish, tizimni bunday nopok xodimlardan tozalash va bu borada bir qator chora-tadbirlarni amalga oshirish boʻyicha rahbarlar oldiga aniq vazifalar qoʻyildi.
Qashqadaryo viloyati IIB Axborot xizmati