IIV Malaka oshirish instituti rahbariyati va mutaxassis xodimlari "Davlat boshqaruvida sunʼiy intellekt istiqbollari: Koreya tajribasi" mavzusida xalqaro davra suhbatida ishtirok etdilar
2024-05-24 09:00:00 / Yangiliklar
Oʻzbekiston Respublikasi Ichki ishlar vazirligi Malaka oshirish instituti rahbariyati va mutaxassis xodimlari 2024-yil 22-may kuni Oʻzbekiston Respublikasi Prezidenti huzuridagi Davlat boshqaruvi akademiyasida tashkil etilgan «Davlat boshqaruvida sunʼiy intellekt istiqbollari: Koreya tajribasi» mavzusida xalqaro davra suhbatida ishtirok etdilar.
Shuningdek, davra suhbatida Koreya Respublikasi Inson resurslarini rivojlantirish milliy instituti rahbariyati va xodimlari, Oʻzbekiston Respublikasi Prezidenti huzuridagi Davlat xizmatini rivojlantirish agentligi, Oʻzbekiston Respublikasi Raqamli texnologiyalar va Adliya vazirliklari, Toshkent shahridagi Inxa universiteti, Ichki ishlar vazirligi Malaka oshirish instituti rahbariyati va mutaxassis xodimlari va boshqalar ishtirok etishdi.
Tadbirni Oʻzbekiston Respublikasi Prezidenti huzuridagi Davlat boshqaruvi akademiyasi rektori Bekmurodov Adxam Sharipovich hamda Koreya Respublikasi Inson resurslarini rivojlantirish milliy instituti prezidenti Kim Che Xvan janoblari kirish soʻzi bilan ochib berdilar.
Tadbir qizgʻin bahs-munozaralarga boy tarzda oʻtdi. Unda Koreya davlat xizmatchilarini raqamlashtirishda sunʼiy intellektning oʻrni va undan foydalanish masalalari, sunʼiy intellekt texnologiyasining ijobiy va salbiy jihatlari, ushbu texnologiyalarni rivojlantirish va joriy etishning asosiy yoʻnalishlari muhokama qilindi.
Tadbir yakunida tomonlar mazkur yoʻnalishda hamkorlikni davom ettirish va takomillashtirish borasida kelishib oldilar.
IIV Malaka oshirish instituti