Fargʻona viloyati Buvayda tumanida jamoat xavfsizligini taʼminlashga qaratilgan targʻibot tadbiri oʻtkazildi
2026-01-22 11:25:00 / Yangiliklar
Prezidentimizning “Respublika mahallalarida xavfsiz muhitni yaratish yoʻnalishida yaxlit manzilli ishlash tizimini joriy etishga qaratilgan qoʻshimcha chora-tadbirlar toʻgʻrisida”gi qarori ijrosini taʼminlash hamda uning mazmun-mohiyatini keng jamoatchilikka yetkazish maqsadida targʻibot tadbiri tashkil etildi.
Mazkur tadbirda Fargʻona viloyati ichki ishlar boshqarmasi boshligʻi, general-mayor Azizbek Ikramov, viloyat hokimligining masʼul xodimlari, Buvayda tumani rahbariyati shuningdek, mahallalarda faoliyat olib borayotgan “yettilik” aʼzolari ishtirok etdilar.
Tadbirda boshqarma boshligʻi tomonidan hududda ayollar va yoshlar ishtirokidagi jinoyatlarni oldini olish, kibertahdidlardan ogoh boʻlish, mazkur sohadagi targʻibot tadbirlari kuchaytirish, faoliyat doirasiga sunʼiy intellekt imkoniyatlarini kiritish boʻyicha yettilik aʼzolariga aniq vazifalar yuklandi.
Fargʻona viloyati IIB Axborot xizmati