«Oʻzbekiston Respublikasi Ichki ishlar vazirligi Malaka oshirish institutida Simulyatsiyalashgan oʻquv markazini tashkil etish boʻyicha salohiyatni oshirish» loyihasi doirasida trening oʻtkazilmoqda
2024-05-22 11:00:00 / Yangiliklar
Ayni vaqtda Koreya Respublikasi Markaziy Politsiya Akademiyasida Koreya xalqaro hamkorlik tashkiloti (KOICA)ning «Oʻzbekiston Respublikasi Ichki ishlar vazirligi Malaka oshirish institutida Simulyatsiyalashgan oʻquv markazini tashkil etish boʻyicha salohiyatni oshirish» loyihasi doirasida IIV Malaka oshirish instituti professor-oʻqituvchilari uchun trening oʻtkazilmoqda.
Mazkur trening Oʻzbekiston Respublikasi Ichki ishlar vaziri va Koreya Respublikasining Oʻzbekistondagi elchisi tomonidan 2023-yil 12-dekabrda imzolangan «Oʻzbekiston Respublikasi Ichki ishlar vazirligi bilan Koreya Respublikasi Koreya xalqaro hamkorlik agentligi oʻrtasida Oʻzbekiston Respublikasi Ichki ishlar vazirligi Malaka oshirish institutida Simulyatsiyalashgan oʻquv markazini tashkil etish boʻyicha salohiyatni oshirish loyihasi toʻgʻrisida»gi Muzokaralar bayoniga muvofiq tashkil etilgan ushbu tadbirdan koʻzlangan maqsad Koreya milliy politsiya tizimida kadrlarni tayyorlash va malakasini oshirish borasida ilgʻor tajribalarini oʻrganishga qaratilgan.
Trening dasturiga muvofiq, Koreya politsiyasining huquq tizimi, Jinoyat va hodisalar boʻyicha tezkor harakatlanish, Jinoyatchilikning oldini olish va jamoat xavfsizligi, Koreyaning favqulodda vaziyatlar haqida intellektual ogohlantirish tizimi hamda Voqea hodisalar boʻyicha Koreyaning mahalliy politsiyasining dastlabki chora-tadbirlari mavzularida mashgʻulotlar olib boriladi.
Shuningdek, Seul metropoliten politsiya agentligi, Yoʻl-patrul xizmati xavfsizligi tezkor markazi hamda Markaziy Politsiya Akademiyasiga amaliy tashriflar amalga oshiriladi.
IIV Malaka oshirish instituti