Toshkent shahar IIBB tergovchilari joriy yilning 4 oylik ish faoliyatini sarhisob qilishdi
2024-05-22 09:00:00 / Yangiliklar
Kuni kecha bosh boshqarma boshligʻining oʻrinbosari — Tergov boshqarmasi boshligʻi polkovnik A.Abdurazakov raisligida Tergov boshqarmasi apparati va hududiy boʻlinmalarining barcha tergov xodimlari ishtirokida yigʻilish oʻtkazildi.
Tanqidiy ruhda oʻtkazilgan tezkor yigʻilishda, polkovnik A.Abdurazakov joriy yilning 4 oyi davomida Tergov boshqarmasi tomonidan amalga oshirilgan ishlar natijalari, yoʻl qoʻyilgan kamchiliklar va kelgusida amalga oshirilishi lozim boʻlgan vazifalar toʻgʻrisida maʼruza qildi.
Shuningdek, xodimlar tomonidan yoʻl qoʻyilgan kamchiliklardan kerakli xulosa chiqarib, berilgan vazifa va topshiriqlarni vijdonan bajarish, faoliyat davomida qonunlarga qatʼiy hamda ogʻishmay amal qilishlari, tamagirlik va mansab vakolatlarini suiisteʼmol qilmay, yangicha dunyoqarash bilan xalq xizmatida boʻlishlari, fuqarolar tomonidan kelib tushgan murojaatlarni oʻz vaqtida qonuniy tartibda koʻrib chiqishlari talab etildi.
Yigʻilish davomida kelgusida amalga oshirilishi lozim boʻlgan zarur chora-tadbirlar belgilanib, ushbu yoʻnalishda faoliyat samaradorligini oshirish boʻyicha masʼullarga koʻrsatma va topshiriqlar berildi.
IIV huzuridagi Tergov departamenti Axborot xizmati