Buxoro viloyati IIB boshligʻi tomonidan sohaviy xizmatlar va hududiy ichki ishlar organlarining masʼul rahbarlari ishtirokida oʻquv mashgʻuloti tashkil etildi
2024-05-19 10:30:00 / Yangiliklar
Joriy yilning 18-may kuni Buxoro viloyati Ichki ishlar boshqarmasida boshqarma boshligʻi podpolkovnik Ikromjon Tursunov boshchiligida, Oʻzbekiston Respublikasi Prezidenti huzuridagi Davlat xizmatini rivojlantirish agentligi Buxoro viloyati filiali rahbari Zafar Jumayev hamda ushbu agentlikning masʼul xodimlari ishtirokida normativ hujjatlar talablarini oʻrganish yuzasidan oʻquv mashgʻuloti oʻtkazildi.
Mashgʻulotda boshqarma boshligʻining barcha oʻrinbosarlari, sohaviy xizmatlar rahbarlari, shahar va tuman ichki ishlar organlariga biriktirilgan masʼul rahbarlar, joylardagi 3-sektor rahbarlari hisoblangan hududiy ichki ishlar organlarining boshliqlari va ularning sektorlar faoliyati boʻyicha kotiblari ishtirok etishdi.
Oʻquv mashgʻulotini olib borgan Agentlik masʼul xodimlari tomonidan tinglovchilarga normativ-huquqiy hujjatlardan kelib chiqib, mahalla institutining jamiyatdagi rolini tubdan oshirish, maʼnaviy-maʼrifiy ishlarni samarali tashkil etish hamda «Obod xonadon», «Obod koʻcha» va «Obod mahalla» mezonlarini joriy etishga doir chora tadbirlarning amalga oshirilishi, sektor rahbarlarining faoliyatini baholash boʻyicha vazifa va koʻrsatgichlarni koʻtarish, sektor aʼzolari va mahallalar yettiligining faoliyat mezonlari, ushbu faoliyat bilan bogʻliq kelib tushgan murojaatlarni koʻrib chiqish tartibi, sektor koʻrsatgichlarining shakllanishi va boshqa bir qator yoʻnalishlar yuzasidan tushunchalar berilib, mavzuga hamda mahalla yettiligi va sektor shtabi aʼzolarining hamkorlikdagi vazifalari yuzasidan qoʻshimcha oʻquv mashgʻulotlarini oʻtkazish, ularning birgalikdagi faoliyati samaradorligini oshirishga doir tavsiya hamda koʻrsatmalar berildi.
Mashgʻulotdan soʻng, boshqarma boshligʻi tomonidan bir qator dolzarb masalar yuzasidan tezkor yigʻilish oʻtkazildi.
Yakunda, boshqarma boshligʻi tomonidan koʻrib chiqilgan har bir masala yuzasidan rahbar va masʼul xodimlarga tavsiya, koʻrsatma hamda bajarish muddatlarini aniq koʻrsatilgan topshiriqlar berilib ijrosi alohida nazoratga olindi.
Buxoro viloyati IIB Axborot xizmati