Ichki ishlar vaziri oʻrinbosari general-mayor Baxodir Mirzaraximov «Qamchiq» dovonining Pop tumani hududida joylashgan Namangan YPX maskanini koʻzdan kechirdi
2024-05-18 13:00:00 / Yangiliklar
Vazir oʻrinbosari general-mayor Baxodir Mirzaraximov tomonidan «Qamchiq» dovonining Pop tumani hududida joylashgan Namangan muntazam yoʻl-patrul xizmati maskani va «Qamchiq» maxsus qidiruv, yongʻin-qutqaruv boshqarmasi, qutqaruv otryadi xodimlari faoliyati hamda u yerdagi maxsus transport vositalari yozgi mavsumiga shaylik darajasi oʻrganildi.
Oʻrganishlar yakuni boʻyicha dovon orqali harakatlanayotgan transport vositalarini xavfsizligini taʼminlash, turli xil inson hayotiga xavf soluvchi psixotrop va giyohvandlik moddalarini noqonuniy muomalaga kiritishni oldini olish choralarini koʻrish haqida masʼullarga topshiriqlar berildi.
Shuningdek, qutqaruv otryadi masʼul rahbarlariga favqulodda holatlarga shay turish va viloyat, tuman IIB xodimlariga favqulodda vaziyatda zudlik bilan harakatlanish boʻyicha oʻzaro hamkorlikni tashkil etish yuzasidan tegishli chora tadbirlar belgilab berdi.
Transport va turizm obyektlarida xavfsizlikni taʼminlash departamenti Axborot xizmati