Toshkent viloyati IIBBda elektron hujjat almashinuvini raqamlashtirish boʻyicha oʻquv seminari tashkil etildi
2025-12-24 15:15:00 / Yangiliklar
Ichki ishlar vazirining tegishli farmoyishiga muvofiq, IIV Raqamli texnologiyalar va Huquqiy statistika departamenti masʼul xodimlari tomonidan Toshkent viloyati IIBB hamda uning hududiy boʻlinmalari xodimlari uchun oʻquv seminari tashkil etildi.
Seminar davomida elektron hujjat almashinuvini raqamlashtirish, xizmat faoliyatida zamonaviy axborot tizimlaridan samarali foydalanish orqali qogʻoz hujjatlar aylanmasini keskin kamaytirish masalalari boʻyicha atroflicha tushuntirishlar berildi.
Bundan tashqari, departament masʼul xodimlari tomonidan viloyat sohaviy xizmatlari hamda hududiy ichki ishlar organlarida raqamlashtirish jarayonlari, shuningdek, ushbu yoʻnalishda amalga oshirilayotgan ishlar samaradorligi oʻrganildi.
Mazkur tadbir xodimlarning raqamli savodxonligini oshirish, hujjat aylanmasida tezkorlik va shaffoflikni taʼminlashga xizmat qilmoqda.
Toshkent viloyati IIBB Axborot xizmati