O‘zbеkiston Rеspublikаsi Ichki ishlаr vаzirligi

Unda viloyat IIB Tashkiliy boshqarmasi xodimlari, shahar-tuman ichki ishlar boʻlimlarining tashkiliy boʻlinmalari, navbatchilik qismlari hamda nazorat-oʻtkazish punktlarida xizmat olib borayotgan xodimlar ishtirok etishdi.

Seminar Oʻzbekiston Respublikasi Ichki ishlar vazirligining masʼul xodimlari ishtirokida oʻtkazildi. Jumladan, Oʻzbekiston Respublikasi IIV Tashkiliy departamenti Yuridik taʼminlash boshqarmasining katta yuriskonsulti, katta leytenant G. Oʻralov maʼruza bilan soʻzga chiqdi.

Maʼruza davomida Ichki ishlar vazirligi markaziy apparati hamda uning tarkibiy va hududiy boʻlinmalari binolariga kirish-chiqish rejimini belgilash, alohida qoʻriqlash otryadlarining huquq va majburiyatlarini tartibga soluvchi qonunchilik hujjatlari mazmun-mohiyati keng yoritib berildi. Shuningdek, Ichki ishlar vazirligi tizimidagi binolarga kirish-chiqish rejimini oʻrganish boʻyicha berilgan topshiriqlar haqida ham atroflicha maʼlumotlar taqdim etildi.

Soʻngra seminar ishtirokchilariga Oʻzbekiston Respublikasi IIV Maʼnaviy-maʼrifiy ishlar va kadrlar bilan taʼminlash departamentining katta inspektori, kapitan N. Jumaev maʼruza qilib, ichki ishlar organlari binolariga kirish-chiqish tartibiga qatʼiy rioya etish, shuningdek, fuqarolar bilan muloqot jarayonida muomala madaniyatiga alohida eʼtibor qaratish lozimligi haqida toʻxtalib oʻtdi. Ayniqsa, murojaat bilan kelgan fuqarolarga hurmat va xushmuomalalik bilan yondashish xizmat faoliyatining muhim jihatlaridan biri ekanligi qayd etildi.

Seminar yakunida koʻrib chiqilgan masalalar yuzasidan eshitilgan hisobotlar, bildirilgan fikr-mulohazalar hamda mavjud kamchiliklarni bartaraf etish boʻyicha ilgari surilgan takliflar inobatga olinib, tegishli qarorlar qabul qilindi.

Ushbu seminar ichki ishlar organlari xodimlarining kasbiy salohiyatini oshirish, xizmat faoliyatida qonuniylik va intizomni mustahkamlashga xizmat qilishi bilan ahamiyatli boʻldi.

Surxondaryo viloyati IIB Axborot xizmati