Mazkur memorandumga koʻra Mudofaa vazirligining Jaloliddin Manguberdi nomidagi harbiy-akademik litseyi hamda Ichki ishlar vazirligining Xorazm akademik litseyi belgilangan maqsad va vazifalarining izchil amalga oshirilishini taʼminlash borasidagi hamkorlikni qoʻllab-quvvatlash va rivojlantirish nazarda tutilgan.

Xususan, mamlakatimizda amalga oshirilayotgan keng koʻlamli islohotlarning taraqqiyotiga mos va ilgʻor xorijiy tajribani inobatga olgan holda kadrlarni tayyorlash, qayta tayyorlash va ularning malakasini oshirish, taʼlim dasturlarini, oʻquv-uslubiy va normativ materiallarni takomillashtirib borish, taʼlim jarayonining sifatini va natijalarini tizimli tahlil qilish, kadrlarni zamonaviy talablar asosida kasbiy kompetensiya va layoqatlarini rivojlantirish borasida uzviy hamkorlik yoʻlga qoʻyiladi.

Shundan keyin ikki litsey oʻquvchilari oʻrtasida sogʻlom raqobat va oʻzaro doʻstlik muhitini yaratish maqsadida matematika va ingliz tili fanlari boʻyicha bilimlar bellashuvi boʻlib oʻtdi. Bellashuvda gʻoliblikni qoʻlga kiritgan oʻquvchilar diplom va esdalik sovgʻalar bilan taqdirlandi.

Xorazm viloyati IIB Axborot xizmati