IIV Malaka oshirish institutida amaliy oʻquv mashgʻuloti oʻtkazildi
2024-05-05 13:25:00 / Yangiliklar
Ichki ishlar vazirligi Malaka oshirish institutida “Fuqarolar bilan ishlash moduli” boʻyicha tahsil olayotgan Patrul-post xizmati saf boʻlinmalari xodimlari bilan Maxsus kasbiy fanlar kafedrasi katta oʻqituvchilari, podpolkovnik N. Odilov va mayor G. Ruziyevalar “PPX xodimlarining fuqarolar bilan munosabatga kirishganda yuzaga kelayotgan muammoli vaziyatlar hamda ularning yechimlari, Oʻzbekiston Respublikasi MJtKning 8 ta moddasi boʻyicha aniqlangan huquqbuzarliklar yuzasidan maʼmuriy bayonnoma rasmiylashtirish” mavzusida amaliy mashgʻulot oʻtkazdilar.
Oʻquv mashgʻuloti jarayonlarida “Patrul-post xizmati” yoʻnalishi boʻyicha oʻqitilayotgan tinglovchilarda sohaga tegishli soʻnggi normativ-huquqiy hujjatlar boʻyicha amaliy va nazariy koʻnikmalari mustahkamlanib, ularga jamoat tartibini buzganlik uchun aniqlangan huquqbuzarliklar yuzasidan maʼmuriy bayonnoma rasmiylashtirishda yuzaga keladigan holatlar, huquqbuzarlik sodir etgan shaxs bilan patrul-post xizmati xodimi oʻrtasidagi muammoli vaziyatlar boʻyicha amaliy va nazariy bilimlar berildi.
Mashgʻulotda Bektemir tumani IIO FMB JTS va PPX boshligʻi, kapitan I. Bekjanov va serjant A. Tojiboevlar ishtirok etib, tinglovchilar bilan PPX xodimlari hamda fuqarolar oʻrtasida amaliyotda uchrayotgan muammoli holatlar, ularning yechimlari yuzasidan fikr-mulohazalar almashildi.
IIV Malaka oshirish instituti Matbuot xizmati