Ichki ishlar vazirligi Malaka oshirish instituti vakillari xalqaro ilmiy-amaliy konferensiyada ishtirok etdi
2025-12-11 11:45:00 / Yangiliklar
Ichki ishlar vazirligi Malaka oshirish instituti vakillari Rossiya Federatsiyasi Ichki ishlar vazirligi Butunrossiya malaka oshirish institutida boʻlib oʻtgan “Narkotik moddalarning noqonuniy aylanishiga qarshi kurash tizimida maxsus bilimlardan foydalanishning dolzarb masalalari” mavzusidagi xalqaro ilmiy-amaliy konferensiyada ishtirok etdi.
Onlayn shaklda oʻtkazilgan anjumanda Malaka oshirish instituti boshligʻining birinchi oʻrinbosari, polkovnik U.E.Rasulev “Oʻzbekiston Respublikasida giyohvandlik va narkojinoyatlarga qarshi kurashishning strategik va huquqiy asoslari: islohotlarning yangi bosqichi” mavzusida maʼruza bilan ishtirok etdi.
Maʼruzada Oʻzbekiston Respublikasi Prezidentining 2025-yil 3-noyabrdagi “Aholi salomatligi va millat genofondini giyohvandlik va narkojinoyatlardan samarali himoya qilish boʻyicha kompleks chora-tadbirlar toʻgʻrisida”gi PF-207-son Farmonining mazmun-mohiyati keng yoritildi.
Tadbirda Rossiya Federatsiyasi, Belarus, Qozogʻiston, Qirgʻiziston, Tojikiston va boshqa mamlakatlarning ichki ishlar organlari xodimlari va taʼlim muassasalar professor-oʻqituvchilari ishtirok etdi.
IIV Malaka oshirish instituti