Ichki ishlar vazirligi rahbariyati tomonidan Metropolitenda xavfsizlikni taʼminlash boshqarmasi xodimlari bilan Konstitutsiya qabul qilinganligining 33-yilligi munosabati bilan uchrashuv oʻtkazildi
2025-12-08 13:00:00 / Yangiliklar
Oʻzbekiston Respublikasi Konstitutsiyasi qabul qilinganligiga 33-yil toʻlishi munosabati bilan mamlakatimizda qator tadbirlar amalga oshirilmoqda.
Shu munosabat bilan Ichki ishlar vazirligi rahbariyati tomonidan Metropolitenda xavfsizlikni taʼminlash boshqarmasi shaxsiy tarkibi bilan uchrashuv oʻtkazilib, ularning faoliyatida muhim ahamiyatga ega boʻlgan ustuvor vazifalar belgilab berildi.
Uchrashuvda, Konstitutsiya – davlat va jamiyat barqarorligining asosi boʻlib, uning normalarini hayotga tatbiq etish har bir davlat xizmatchisining, xususan, jamoat xavfsizligini taʼminlash sohasida xizmat qilayotgan xodimlarning ham burchi hisoblanadi.
Shu boisdan, Metropolitenda xavfsizlikni taʼminlash boshqarmasi faoliyatini yanada takomillashtirish, zamonaviy talablar asosida tashkil etish va aholi xavfsizligini taʼminlashga qaratilgan bir qator vazifalar belgilandi.
Shuningdek vazir oʻrinbosari Metropolitenda xavfsizlikni taʼminlash boshqarmasi maʼmuriy binosidagi yangidan barpo etilgan navbatchilik qismining metro bekatlariga oʻrnatilgan video kuzatuv kameralari orqali kelib tushayotgan xabarlarni aniqlash tezkorlik bilan ularni bartaraf etish platformadagi shubhali fuqarolarning xatti-harakatlari kuzatilib, ular profayling qilib borish yuzasidan masʼullarga tegishli koʻrsatmalar berilib, Metropoliten qurol saqlash xonalarining xavfsizlik holati, temir panjaralar, signalizatsiya tizimlari, video kuzatuv vositalari koʻzdan kechirilib xavfsizlik qoidalariga rioya etish boʻyicha masʼul xodimlarga tegishli koʻrsatmalar berildi.
IIV Transport va turizm obyektlarida xavfsizlikni taʼminlash departamenti Axborot guruhi