Ichki ishlar vaziri oʻrinbosari IIV Akademiyasida magistrlar bilan uchrashdi
2024-05-01 11:10:00 / Yangiliklar
IIV akademiyasida boʻlib oʻtgan davra suhbati tergov faoliyatiga oid islohotlar va ustuvor vazifalarga bagʻishlandi.
Departament boshligʻi Ramazon Ashrapov muhtaram Prezidentimiz rahbarligida inson manfaatlari, xalq roziligi yoʻlida olib borilayotgan keng qamrovli islohotlarga toʻxtaldi.
Keyingi yillarda ichki ishlar organlari faoliyati tubdan oʻzgargani, jamiyatimizda qonun ustuvorligi qatʼiy mustahkamlagani, tergov faoliyatida “Inson qadri uchun” degan ezgu gʻoyani toʻliq roʻyobga chiqarish, fuqarolarning huquqlari, erkinliklari hamda qonuniy manfaatlarini taʼminlash borasida samarali mexanizmlar amaliyotga tatbiq qilingani taʼkidlandi.
Shuningdek, vazir oʻrinbosari Tergov departamenti faoliyati, kadrlar siyosati yoʻlida olib borilayotgan oʻzgarishlar, zamonaviy rahbarlarga qoʻyilayotgan talablar haqida fikr bildirib, tinglovchilar savollariga javob berdi.
IIV akademiyasi Axborot xizmati