Namangan viloyatida Markaziy Osiyo Voleybol Assotsiatsiyasiga (CAVA) aʼzo davlatlarning huquqni muhofaza qiluvchi organlari xodimlari oʻrtasida “Buyuk Ipak yoʻli” xalqaro musobaqasining final bosqichi boʻlib oʻtdi
2025-11-29 09:00:00 / Yangiliklar
Joriy yilning 22–28-noyabr kunlari Yangi Namangan tumanidagi “Pahlavon” sport majmuasi Markaziy Osiyo mintaqasidagi eng nufuzli voleybol turnirlaridan biri — CAVA Army and Police Volleyball Championship, yaʼni “Buyuk Ipak yoʻli” xalqaro musobaqasiga mezbonlik qildi.
Unda CAVAga aʼzo davlatlarning huquqni muhofaza qiluvchi tuzilmalaridan saralangan terma jamoalar ishtirok etdi.
Musobaqa davomida jamoalar oʻrtasidagi bahslar yuqori saviyada, murosasiz va nihoyatda qizgʻin ruhda oʻtdi. Final bosqichi esa turnirning tom maʼnodagi yakuniy choʻqqisi boʻldi.
Final natijalariga koʻra:
1-oʻrin — Davlat xavfsizlik xizmatining “Matonat” terma jamoasi;
2-oʻrin — Ichki ishlar vazirligining “Humo” terma jamoasi;
3-oʻrin — Milliy gvardiyaning “Gvardiya” terma jamoasi;
Musobaqa yakunida gʻolib va sovrindor jamoalar tantanali ravishda taqdirlanib, ularga kubok, diplomlar va esdalik sovgʻalari topshirildi.
Turnir nafaqat sportdagi raqobat, balki mintaqa davlatlari huquqni muhofaza qiluvchi organlari oʻrtasidagi hamkorlik va doʻstona aloqalarni mustahkamlashga ham xizmat qildi.
Namangan viloyati IIB Axborot xizmati