IIV JIED xodimi dzyudo boʻyicha Oʻzbekiston chempionatida oltin medalni qoʻlga kiritdi
2025-11-28 07:20:00 / Yangiliklar
Buxoro shahridagi muhtasham “Universal” sport saroyi dzyudo boʻyicha kattalar oʻrtasidagi Oʻzbekiston chempionatining birinchi kungi bahslari muvaffaqiyatli oʻtkazildi.
Shuningdek, Jazoni ijro etish departamenti xodimi Bobur Vajiyev 66 kg vazn toifasida tatamiga chiqib, barcha raqiblarini magʻlub etib, 1-oʻrinni egalladi va oltin medal bilan taqdirlandi.
Boburning bu muvaffaqiyati uning qatʼiyati, mehnatsevarligi va sportga boʻlgan sadoqati natijasidir. Ushbu gʻalaba nafaqat shaxsiy yutuq, balki Jazoni ijro etish departamenti xodimlarining sportdagi yuksak salohiyatini namoyon etuvchi muhim voqea sifatida keng eʼtirof etildi.
IIV JIED Axborot xizmati