“Kibermadaniyatni yuksaltirish oyligi” doirasida OAV vakillari uchun matbuot anjumani oʻtkazildi
2025-11-17 18:00:00 / Yangiliklar
Oʻzbekiston Respublikasi Ichki ishlar vazirligi tomonidan Oʻzbekiston jurnalistika va ommaviy kommunikatsiyalar universitetida “Kibermadaniyatni yuksaltirish oyligi” doirasida OAV vakillari uchun matbuot anjumani oʻtkazildi.
Anjumanda universitet rektori Sherzodxon Qudratxoʻja, IIV TQD Kiberxavfsizlik markazi rahbariyati, talabalar, OAV hamda jamoatchilik vakillari ishtirok etishdi.
Tadbirni universitet rektori Sherzodxon Qudratxoʻja ochib berib, bugungi kunda fuqarolarni kibermakondagi jinoyatlardan ogohlikka chaqirish har bir insonning burchi ekanligini taʼkidladi.
Shundan soʻng, Vazirlik Kiberxavfsizlik markazi mutaxassislari tomonidan Respublikamizda sodir etilayotgan kiberjinoyatlar va ulardan himoyalanish borasida maʼlumot va tavsiyalar berildi.
Qizgʻin oʻtgan matbuot anjumani soʻngida OAV vakillari oʻzlarini qiziqtirgan savollariga javoblar olishdi.
Eslatib oʻtamiz, Oʻzbekiston Respublikasi Prezidentining qaroriga asosan har yilning noyabr oyi Respublikamizda “Kibermadaniyatni yuksaltirish oyligi” deb eʼlon qilingan.