Toshkent viloyati IIB Migratsiya va fuqarolikni rasmiylashtirish boshqarmasi rahbariga biriktirilgan yoshlar bilan 5-tashabbus loyihasi hamda “Navroʻz” umumxalq bayramiga bagʻishlangan tantanali tadbiri boʻlib oʻtdi
2024-04-23 15:35:00 / Yangiliklar
Joriy yilning 23-aprel kuni Toshkent viloyatining Parkent tumani, «Kichikqoʻrgʻon» mahallasida joylashgan 12-umumiy oʻrta-taʼlim maktabida viloyat Ichki ishlar bosh boshqarmasi Migratsiya va fuqarolikni rasmiylashtirish boshqarmasi rahbariga biriktirilgan yoshlar bilan 5-tashabbus loyihasi hamda «Navroʻz» umumxalq bayramiga bagʻishlangan tantanali tadbiri boʻlib oʻtdi.
Tadbirda 12-umumiy oʻrta-taʼlim maktabi rahbariyati, maktab jamoasi va oʻquvchilari, viloyat IIBB Migratsiya va fuqarolikni rasmiylashtirish boshqarmasi rahbari va masʼullari, shuningdek «Kichikqoʻron» mahalla yettiligi, yoshlar jamoasi va jamoatchilik vakillari ishtirok etdilar.
Koʻtarinki ruhda oʻtgan tadbir davomida yoshlar oʻrtasida turli sport oʻyinlari hamda quvnoq startlar boʻyicha musobaqalar, kitobxonlik tanlovi, yoshlarning ijodiy ishlari va rasmlar tanlovi hamda zakovat oʻyinlari oʻtkazildi.
Tadbirda ishtirok etib gʻolib boʻlgan oʻquvchilar esdalik sovgʻalari bilan taqdirlandilar.
Umummilliy bayramimiz «Navroʻz»ga xos taomlar, koʻk somsa, chuchvara, halim va sumalak taomlari pishirildi.
Ushbu ezgu tadbirlar viloyatning boshqa tumanlarida ham oʻtkazib kelinmoqda.