Qashqadaryo viloyati IIB polvonlari sambo musobaqasida gʻolib boʻlishdi
2024-04-22 10:45:00 / Yangiliklar
Oʻzbekiston Respublikasi IIV “Dinamo” jismoniy tarbiya-sport jamiyati Qashqadaryo viloyati kengashining taqvimiy rejasiga binoan jismoniy tarbiya jamoalari oʻrtasida sportning “Sambo” turi boʻyicha musobaqasi boʻlib oʻtdi.
Unda Qashqadaryo viloyat IIB, Milliy gvardiya Qashqadaryo viloyati Qoʻriqlash boshqarmasi, viloyat Favqulodda vaziyatlar boshqarmasi, IIV Qorovul qoʻshinlariga qarashli 7533, XAXTga qarashli 7256-harbiy qismlari terma jamoalari polvonlari ishtirok etishdi.
Qizgʻin bahs va murosasiz bellashuvlarga boy kechgan musobaqada polvonlar bor mahorat va tajribalarini ishga solib, gʻoliblik uchun kurashdilar.
Musobaqa natijalariga koʻra, 64 kg vaznda Qashqadaryo viloyati Ichki ishlar boshqarmasi xodimi, leytenant Shaxzod Ibragimov,
71 kgda Qashqadaryo viloyati Favqulodda vaziyatlar boshqarmasi xodimi, xizmatchi Qodir Saidov,
79 kgda Qashqadaryo viloyati Ichki ishlar boshqarmasi xodimi, safdor Shoxruz Nashirov, 88 kgda Qashqadaryo viloyati ichki ishlar boshqarmasi xodimi, kichik serjant Arslonbek Tojiyev,
98 kgda Qashqadaryo viloyati ichki ishlar boshqarmasi xodimi kichik serjant Botir Xoliyorov,
+98 kgda Qashqadaryo viloyati Favqulodda vaziyatlar boshqarmasi xodimi, xizmatchi Akmal Gulmurodov gʻoliblik shohsupasidan joy olishdi.
Umumjamoa hisobida esa 1-oʻrinni Qashqadaryo viloyat Ichki ishlar boshqarmasi,
2-oʻrinni Qashqadaryo viloyati Favqulodda vaziyatlar boshqarmasi,
3-oʻrinni Milliy gvardiya Qashqadaryo viloyati Qoʻriqlash boshqarmasi jamoasi qoʻlga kiritdi.
Gʻoliblar diplom va qimmatbaho sovgʻalar bilan taqdirlanishdi.
Qashqadaryo viloyati IIB Axborot xizmati