Ichki ishlar vaziri oʻrinbosari general-mayor Boxodir Mirzaraximov 7536-sonli harbiy qism hamda IIV JIED oltinchi mintaqaviy hudud 17-son JIEKga tashrif buyurdi
2024-04-20 11:30:00 / Yangiliklar
Ichki ishlar vaziri oʻrinbosari Buxoro viloyatidagi oʻrganishlari doirasida Qorovul qoʻshinlari qoʻmondonligiga qarash 7536-sonli harbiy qismning Qorovulbozor tumanida joylashgan 3 batalyoni harbiy xizmatchilari bilan uchrashdi.
Tashrif jarayonida harbiy xizmatchilarga yaratilgan shart-sharoitlar, xizmat olib borish jarayonlari, oʻzaro hamkorlikda olib borilayotgan ishlar bilan tanishib, kelgusidagi qilinishi lozim boʻlgan ishlar yuzasidan oʻzining takliflarini berib oʻtdi.
Harbiy xizmatchilarni harbiy vatanparvarlik ruhida tarbiyalash borasida serjant va ofitserlarning masʼuliyatini oshirish kerakligini taʼkidlab, boʻlinmalarda harbiy xizmatchilarga yaratilgan shart-sharoitlar va navbatchilarning xizmat olib borishi boʻyicha koʻrsatmalar berib oʻtildi.
Shundan soʻng, Oʻzbekiston Respublikasi Ichki ishlar vaziri oʻrinbosari general mayor B.Yu.Mirzaraximov Ichki ishlar vazirligi Jazoni ijro etish departamenti oltinchi mintaqaviy hudud 17-son jazoni ijro etish koloniyasiga tashrif buyurdi.
Vazir oʻrinbosari jazoni ijro etish muassasasida shaxsiy tarkib va mahkumlarga yaratilgan shart-sharoitlarni koʻzdan kechirib, amalga oshirilishi lozim boʻlgan ishlar yuzasidan masʼullarga tegishli koʻrsatmalar berdi.
Ichki ishlar vaziri oʻrinbosari general mayor B.Yu.Mirzaraximovning Buxoro viloyatidagi oʻrganishlari davom etmoqda.
Buxoro viloyati IIB Axborot xizmati