O‘zbekiston Respublikasi Oliy sudining 2026 yil 9 fevraldagi №11-07/26-10817-sonli topshiriq xati va Oliy sud rahbariyati tomonidan 2026 yilda joylarda sayyor qabul qilish bo‘yicha amalga oshirilgan tadbir
2026-02-13 12:00:00 / Yangiliklar
Sayyor qabulda MFY vakillari, tuman hokimligi, boshqa idora va tashkilotlar hamkorligida fuqarolarning turmush tarzidan kelib chiqadigan va ularni qiziqtirayotgan masalalar bo‘yicha manzilli huquqiy yordam ko‘rsatish bo‘yicha qator ishlar amalga oshirildi.
Xususan, sud raisi O‘.Razikov xotin-qizlarni qiynayotgan huquqiy masalalardagi murojaatlarni ijobiy hal etish, aholida islohotlarga daxldorlik tuyg‘usini mustahkamlash, shukronalik, o‘zaro bir-biriga ko‘maklashish kabi umuminsoniy qadriyatlarni kuchaytirish kabi ezgu maqsadlarga alohida e’tibor qaratildi.
Tadbir davomida sud-huquq sohasiga oid masalalar yuzasidan huquqiy yordamga muhtoj bo‘lgan jami 12 nafar fuqarolar bilan sayyor uchrashuv o‘tkazildi.
Qabul qilingan xotin-qizlarning 8 nafari sud-huquq masalalarida, 4 nafari esa ijtimoiy-iqtisodiy va boshqa masalalarga oid murojaatlarni tashkil etadi.
Murojaatlarning barchasi ijobiy hal qilinib, shuningdek tegishli huquqiy tushuntirishlar berildi.
Misol tariqasida, Qalmoqon qishlog‘ida yashovchi fuqarolar F.A. va K.Llar o‘rtasida oilaviy nizo bo‘yicha kelib chiqqan kelishmovchilik joyida o‘rganilib, mazmunan ko‘rib chiqildi.
Shuningdek, B.Sning uyida yong‘in chiqqanligi yuzasidan zararni undirish haqidagi murojaati yuzasidan amaliy yordam ko‘rsatilib, soha mutaxassislari tomonidan fuqaroga asosli dalillar bilan sudga da’vo arizasi bilan murojaat qilish huquqi tushuntirildi.
Shu bilan birga tadbir ishtirokchilari tomonidan berilgan savollarga sud raisi tomonidan huquqiy maslahatlar berildi.