Funksional vazifalar
O‘zbekiston Respublikasida ekologik ekspertiza faoliyati Konstitutsiya, qonunlar, Oliy Majlis palatalarining qarorlari, Prezident farmonlari va qarorlari, Vazirlar Mahkamasining qaror hamda farmoyishlari, shuningdek, Ekologiya, atrof-muhitni muhofaza qilish va iqlim o‘zgarishi vazirligining buyruq va topshiriqlari, vazirlik nizomi hamda boshqa qonuniy hujjatlar asosida amalga oshiriladi.
Ekologik ekspertiza doirasidagi asosiy vazifalar:
- buyurtmachilar tomonidan taqdim etilgan hujjatlarning tabiatni muhofaza qilishga oid qonun hujjatlariga muvofiqligini tekshirish;
- rejalashtirilayotgan yoki amalga oshirilayotgan xo‘jalik va boshqa turdagi faoliyatning ekologik hamda ijtimoiy oqibatlarini tahlil qilish;
- biologik, kimyoviy moddalar va texnologiyalarning atrof-muhitga ta’siri asosli baholanganligini aniqlash;
- faoliyat natijasida yuzaga kelishi mumkin bo‘lgan ekologik xavf darajasini tekshirish;
- ekologik xavfsizlik talablarini ta’minlash bo‘yicha chora-tadbirlarning yetarliligini baholash;
- ekologik normativlar loyihalarining ilmiy asoslanganligini tekshirish;
- atrof-muhitga ta’sirni baholash materiallari yoki boshqa ekspertiza obyektlari bo‘yicha xulosa tayyorlash hamda obyektning amalga oshirilishiga ijobiy yoki salbiy qaror berish.
Xulosa va monitoring ishlari:
- ekspertiza xulosalarida obyekt, texnologik jarayonlar, ekologik oqibatlar va ko‘rilishi lozim bo‘lgan chora-tadbirlar haqida ma’lumot berish;
- buyurtmachilarga berilgan xulosalarning monitoringini yuritish va muddati tugagan hollarda xabarnoma yuborish.
Axborot va texnologik yo‘nalishlar:
- axborot xavfsizligini ta’minlagan holda axborot tizimlari va kompyuter tarmoqlarini yaratish, rivojlantirish va modernizatsiya qilish;
- axborot resurslaridan foydalanish tartibini ishlab chiqish;
- xizmatlar ko‘lamini kengaytirish va yangi xizmat turlarini joriy etish orqali qo‘shimcha daromad manbalarini shakllantirish.
Xo‘jalik va texnik faoliyat:
- avtotransport va boshqa texnika vositalaridan samarali foydalanish, ularni saqlash va ta’mirlash, xavfsizlik qoidalariga rioya etish;
- foydalanilmayotgan texnika, jihoz va binolarni belgilangan tartibda ijaraga berish;
- mol-mulk va moddiy boyliklardan maqsadli foydalanish, yangi vositalarni xarid qilish va eskirganlarini hisobdan chiqarish;
- qora va rangli metall chiqindilarini ikkilamchi xom-ashyo sifatida topshirish.
Kadrlar va mehnat masalalari:
- odimlarni tayyorlash, qayta tayyorlash va malakasini oshirish uchun sharoit yaratish;
- mehnat samaradorligini oshirish, boshqaruv tizimini takomillashtirish hamda axborot-kommunikatsiya texnologiyalarini keng joriy etish;
- mehnatga haq to‘lashning zamonaviy shakllarini joriy etish, rag‘batlantirish tizimini rivojlantirish;
- ichki mehnat tartibi va texnika xavfsizligi qoidalariga qat’iy rioya etilishini ta’minlash.
Ilmiy-texnik faoliyat:
- kashfiyot, ixtiro, foydali modellar va sanoat namunalaridan oqilona foydalanish;
- tajriba almashish va metrologiya bo‘yicha ishlarni tashkil etish.
Moliyaviy boshqaruv:
- smeta hujjatlariga muvofiq moddiy resurslar va mablag‘lar ajratish hamda ularning maqsadli sarflanishini nazorat qilish;
- iqtisodiy ko‘rsatkichlarni yaxshilash va ishlab chiqarish xizmatlari hajmini oshirish bo‘yicha istiqbol rejalarini ishlab chiqish.
Maxfiylikni ta’minlash:
- davlat sirlari, oshkor qilinmaydigan hujjatlar va arxiv materiallarining saqlanishini qonunchilikka muvofiq ta’minlash.
Qisqacha aytganda, Markazning asosiy vazifalari – ekologik xavfsizlikni ta‘minlash, atrof-muhitga ta‘sir ko‘rsatishi mumkin bo‘lgan faoliyatlarni nazorat qilish, iqtisodiy va ijtimoiy oqibatlarni baholash hamda sohada samarali boshqaruvni tashkil etishdan iborat.