Toshkent shahri Bektemir tumanida “FLEXO INK” MChJ tomonidan amalga oshirilishi rejalashtirilayotgan “Fleksografik bosma uchun bo‘yoqlar ishlab chiqarish” loyihasi bo‘yicha atrof-muhitga ta’sirni baholash yuzasidan jamoatchilik eshituvi o‘tkaziladi.

Jamoatchilik eshituvi O‘zbekiston Respublikasining ekologik qonunchiligi talablariga muvofiq tashkil etilmoqda.

Eshituv davomida quyidagi masalalar muhokama qilinadi:
• korxonaning ishlab chiqarish faoliyati va texnologik jarayonlari;
• ishlab chiqarish jarayonining atmosfera havosiga ta’siri;
• suv resurslari va tuproqni muhofaza qilish choralari;
• ishlab chiqarish chiqindilarini boshqarish va xavfsiz saqlash;
• aholi salomatligi va atrof-muhitga salbiy ta’sirlarning oldini olish;
• ekologik xavfsizlikni ta’minlash hamda atrof-muhit monitoringini olib borish.

Barcha fuqarolarni jamoatchilik eshituvida ishtirok etishga, loyiha yuzasidan o‘z taklif va mulohazalarini bildirishga taklif etamiz.

Eshituv sanasi: 2026-yil 5-noyabr
Vaqti: soat 10:00
Manzil: Toshkent shahri, Bektemir tumani, “Abay” mahallasi binosi.

Tashkilotchi: “FLEXO INK” MChJ
Bog‘lanish uchun telefon: +998 90 186-00-99