“Qadring baland bo‘lsin, ona tilim!” shiori ostida umummilliy diktant o‘tkazildi
2026-10-16 09:30:00 / Yangiliklar
Mazkur tadbirning asosiy maqsadi davlat tiliga bo‘lgan hurmat va e’tiborni yanada oshirish, xodimlarning o‘zbek tilida savodli yozish ko‘nikmalarini mustahkamlash, imlo qoidalariga rioya etish madaniyatini yuksaltirish hamda ona tilimizning jamiyat hayotidagi o‘rnini keng targ‘ib qilishdan iborat bo‘ldi.
Tadbir davomida xodimlar umummilliy diktantda faol ishtirok etib, o‘zbek tilining imlo qoidalari, so‘zlarni to‘g‘ri yozish va tinish belgilaridan o‘rinli foydalanish bo‘yicha bilim hamda ko‘nikmalarini sinovdan o‘tkazdi. Diktant ishtirokchilarga o‘z savodxonligini baholash va ona tiliga oid bilimlarini mustahkamlash imkonini berdi.
Bugungi kunda davlat tilining nufuzi va mavqeini oshirish, uni davlat boshqaruvi hamda kundalik faoliyatda keng qo‘llash, yosh avlod qalbida ona tiliga muhabbat tuyg‘usini shakllantirish dolzarb vazifalardan biridir.
Markazda o‘tkazilgan mazkur tadbir ham xodimlarning ish yuritish jarayonida adabiy til me’yorlariga amal qilish va o‘zbek tilining boy imkoniyatlaridan samarali foydalanishga xizmat qiladi. Zero, ona tilini qadrlash, uni asrab-avaylash va rivojlantirish har birimizning muqaddas burchimizdir.