Davlat ekologik ekspertizasi markazi

Uchrashuvda mazkur qaror bilan belgilangan yangi mexanizmlarni amaliyotga tatbiq etish jarayonida yuzaga kelayotgan dolzarb masalalar, loyiha hujjatlarini ishlab chiqish va davlat ekologik ekspertizasidan o‘tkazish bilan bog‘liq savollar hamda amaliyotda uchrayotgan muammolar muhokama qilindi.

Qaror talablarini bir xil va samarali qo‘llash, loyiha ishlab chiquvchilar faoliyatida yuzaga kelayotgan masalalarni tizimli hal etish, davlat ekologik ekspertizasi jarayonlarini yanada takomillashtirish yuzasidan fikr va takliflar bildirildi.

Muloqot davomida ishtirokchilar tomonidan berilgan savollarga masʼul mutaxassislar tomonidan tegishli tushuntirishlar berildi. Amaliyotda uchrayotgan masalalarni hal etish bo‘yicha o‘zaro hamkorlikni kuchaytirish va kelgusidagi ishlarni samarali tashkil etish yuzasidan kelishuvlarga erishildi.

Taʼkidlash joizki, mazkur qaror bilan davlat ekologik ekspertizasini o‘tkazish, atrof-muhitga taʼsirni baholash, jamoatchilik eshituvlarini tashkil etish hamda ekologik ekspertiza obyektlari uchun loyiha hujjatlarini ishlab chiqishga doir qator yangi tartib va mexanizmlar belgilangan.

Davlat ekologik ekspertizasi markazi tomonidan yangi tartiblarni amaliyotga samarali joriy etish, soha vakillarining savol va takliflarini o‘rganish hamda mavjud masalalarni tezkor hal etishga qaratilgan muloqotlar davom ettiriladi.