Dang‘ara tumanida atmosfera havosiga chiqarilayotgan tashlamalar nazorat qilindi
2026-08-26 14:20:00 / Yangiliklar
Farg‘ona viloyati Ekologiya va iqlim o‘zgarishi bosh boshqarmasi, Davlat ekologik ekspertizasi markazi viloyat filiali hamda Gidrometeorologiya xizmati xodimlari tomonidan Dang‘ara tumanida atrof-muhitga ta’siri bo‘yicha I va II toifaga mansub obyektlarda o‘rganish va nazorat ishlari olib borildi.
O‘rganishlar davomida korxona va tashkilotlarning atmosfera havosiga chiqarayotgan tashlamalari, ularning belgilangan me’yorlarga muvofiqligi hamda ekologik talablarga rioya etilishi holatiga e’tibor qaratildi.
Shuningdek, obyektlarda avtomatik monitoring stansiyalarini o‘rnatish masalalari yuzasidan tegishli tushuntirish va tavsiyalar berildi.
Nazorat tadbirlaridan asosiy maqsad – atmosfera havosiga chiqarilayotgan zararli tashlamalarning belgilangan me’yorlardan ortib ketishining oldini olish, ekologik monitoring tizimini takomillashtirish va havo sifatini doimiy nazorat qilishni kuchaytirishdan iborat.