Samarqand viloyati IIB maʼnaviy-maʼrifiy ishlar boʻyicha masʼul rahbarlariga planshetlar tarqatildi
2024-04-02 09:50:00 / Yangiliklar
Oʻzbekiston Respublikasi Ichki ishlar vazirining 2023-yil 30-apreldagi «Ichki ishlar organlarida xizmat intizomiga rioya etilishini taʼminlashda axborot-kommunikatsiya texnologiyalarini joriy etish toʻgʻrisida»gi 222-sonli buyrugʻiga asosan «E-XID» elektron axborot tizimini yuritish va xizmatda foydalanish uchun planshet qurilmasini ishlatish yuzasidan seminar oʻtkazildi.
Shu maqsadda Samarqand viloyati IIB va uning quyi tizimlarida xizmat olib borayotgan Maʼnaviy-maʼrifiy ishlar boʻyicha masʼul xodimlariga planshetlar tarqatildi va undan foydalanish tartib-qoidalari mutaxassislar tomonidan oʻrgatildi.
Mazkur jarayonlar xodimlarning oʻz xizmat vazifasiga sidqidildan yondashishiga va ularning maʼnaviy-maʼrifiy ishlari samaradorligini yanada oshirishga xizmat qiladi.
Samarqand viloyati IIB Axborot xizmati